k’aba’äl

Bajñel k’aba’äl, jiñ muk’bä ibajñel k’aba’lantyel tyi ityojlel kixtyañu, lumaläl, nuki ja’ o kolem ja’ yik’oty  nukbä pañämil (bujtyäl, ruwna). Ili ibajñel k’aba’äl mi ich’äm x o aj bajche’ mejl lajk’el ya’  baki mi ipästyäl ik’äjñi’bal ñaxañxujty’il wä’  tyi libru.

Komol   o komoñ k’aba’äl, jiñ  muk’bä  ityemel  k’aba’lantyel  tyi aläk’äl, tye’,  bätye’el, chuki yes an yik’oty  machbä tsikilik.

Bajñej k’aba’äl			Komol o komoñ k’aba’äl
bajñelbä	yoñlelbä		bajñelbä	yoñlelbä
Chila	chilajob	Chilajo’	ts’i’	ts’ityak	ts’i’o’
Perú	Perujob	Perujo’	chityam	chityamtyak	chityamo’
Mariya	Mariyajob	Mariyajo’	muty	mutytyak	mutyo’
Waña	Wañajob	Wañajo’	ixim	iximtyak	iximo’
lusiya	lusiyajob	Lusiyajo’	pech	pechtyak	pecho’
Rosa	Rosajob	Rosajo’	ch’ityoñ	ch’ityoñob	ch’ityoño’
Lupe	Lupejob	Lupejo’	ixik	ixikob	ixiko’
selya	selyajob	Selyajo’	wiñik	wiñikob	wiñiko’

-ob mi ik’äjñel cha’añ mi ipästyäl che’ oñ kixtyañu tyi ch’ol cha’añ Tumbala. Jiñjach che’ –o’ mi yajlel mi iyäjlel tyi Sabaniya yik’oty tyi Tila cha’añ yonlel kixtyañu yik’oty  chuki antyak.

-j- mi’ ixiñ otsa ibäj,  cha’añ ma’anik mi iluty ts’ijbuntyel bokal.

-tyak, mi k’äjñel cha’añ mi ipästyäl che’ oñ chuki mi yäjlel machbä kixtyanu, cha’añ Tumbala, Saltu  yawa yik’oty  palenke.