ME’BA’ WIÑIK
Mi yäl lajkolibalob cha’añ wajali, juñtyikil a’bi wiñik tsa’ käle tyi me’ba’, tsa’ a’bi chämi yijñam. Jiñi wiñik ibajñel a’bi tsa’ käle,jiñi cha’añ wokol a’bi tsa’ kaji yubiñ, kome jiñ a’bi tsa’ kaji ilaj pejtyel e’tyeläl tyi mal, bajche’ mel bäl ñäk’al, juch’bäl, pechom, wuts’oñel, lak jiñi a’bi tsa’ kaji imel, jiñ cha’añ weñ wokol a’bi tsa’ kaji yubiñ.
Che’ mi imajlel tyi cholel, ñaxañ a’bi mi ilaj mel petyelel chuki yom melol tyi mal, cha’añ laj melbilix a’bi chuki mi ikäy ili wiñiki tsa’ix a’bi kaji tyi lujb’añ tsa’ix a’bi ñoxaj, che’ jiñi mach a’bi pejtyelix mi imejlel imel, jump’ej a’bi ki’ñ, weñ ch’äxälix a’bi yixim tsa’ ikäyä, che’ tsa’ k’ojtyi tsa’ ik’aj, laj pecha’bilix a’bi iwaj tsa’ ityaja, wits’ulix a’bi ibujk. Tsa’ ik’ele jiñi wiñik tyoj jilel a’bi, tsa’ a’bi yäla.
─majki tsajñi imelbeñoñ kwaji, majki tsajñi iwuts’beñoñ kbujk, majki bä xch’ok x-ixik tsajñi tyi k’otyoty, woli ip’uñtyañoñ…. Wäle mi kajel kchijtyañ cha’añ mi jkäñ, majki woli yajñel melbeñoñ kwaj, tyäk’ä muk’ix kpäy cha’añ kijñam wäle. Che’ a’bi tsa’ iña’tya.
Tsa’ ñumiktyak majlel k’iñ, che’ a’bi tsa’ k’ojtyi ityaj yotyoty jiñi wiñik, laj melbityakix a’bi, jiñ cha’añ tsa’ iña’tyaj ichijtyañ majki. Jump’ej a’bi ki’ñ tsa’ a’bi poj majli tyi cholel tsa’ imele, pero tsa’jach a’bi ixoyo ibijlel, cha’añ tsa’ k’ojtyi tyi paty yotyoty, tsa’ kaji iyoch’oñ tyi jajb bojtye’, yoch’o a’bi che’ jiñi weñ jumuk’ a’bi tsa’ yila ya’ a’bi tsa’ k’ojtyi al ts’i’. jiñ a’bi tsa’ k’ojtyi tyi juch’bal, tsa’ a’bi ich’ämä iñä’tyuñ “juch’, juch’, juch’ ” che’ a’bi kajel. Butyiña’ a’bi woli tyi juch’bal, che’ jiñi, jiñi wiñik tsa’ a’bi ipäsä ibäj. jiñi ts’i’ tsa’ a’bi kisñaj, lij che’ a’bi, wutsukñaj a’bi tsa’ lok’ij majlel, mach a’bi tsa’ix chäm k’ojtyi ikoltyañ jiñi wiñik, weñ ch’iyem a’bi tsa’ cha’ käle jiñi wiñik, jiñ cha’añ yom a’bi k’ux mi lakubiñ jiñi ts’i’, kome añach a’bi ipusik’al, yik’oty mi iweñ ñuk-esañ pañämil.
EL HOMBRE VIUDO
Dicen nuestros abuelos, que hace años atrás que un hombre se quedó viudo, que murió su esposa. El hombres se quedó solo y sufrió mucho porque todo los que aceres de la casa él lo tenía que realizar, tales como hacer la comida, moler tortilla y pozol, tortear y lavar, sufría mucho porque no estaba acostumbrado de hacer las cosas.
Cuando va en su milpa, primero termina hacer su trabajo doméstico dentro de la casa, para que el hombre ya deje listo su trabajo en la casa, pero el hombre ya se empezó a cansar de trabajar doble y cada vez se así más viejo, y luego el trabajo que hacía antes, ya no realizaba todo.
Un día se fue a su milpa y dejo cosido su maíz, cuando llego en su casa, empezó a ver que alguien llega a su casa porque ya estaba torteado su tortilla cuando llego, al mismo tiempo vio que su ropa igual estaban lavados, el hombre empezó a preguntarse a él mismo, quien será quien llega a mi casa.
─¿Quien será quien llega hacer mi comida? ─quien será el que llega a lavar mi ropa? Quien será la mujer viene a mi casa que me está ayudando hacer mis trabajos del hogar…. Hoy lo voy a salir de mi duda, para conocer quién es la mujer que llega hacer mi comida, a lo mejor le diga para que sea mi esposa, así pensó el hombre.
Pasaron días, la casa del hombre seguía igual que al llegar de su milpa ya estaba su comida y sus ropas lavados, es por eso que se puso a pensar cómo debe hacerle para ver quién es la que llega a su casa, un día el hombre hizo que se iba a su milpa, pero que dio la vuelta en medio camino para ver quién es la que llega a su casa, llega atrás de su casa donde empieza a observar, donde vio llegar un perrito. El perrito es la que llego a moler, donde agarro su metatey empezó a moler, el hombre se asombró y entro adentro de su casa, donde el perrito se sonrojo y salió despacito de la casa hasta salir afuera, nunca volvió a llegar a la casa del hombre, donde el hombre se puso triste, es por eso que debemos amarlo y cuidarlo bien el perro, porque tiene sentimiento y corazón además es la compañía de los hombres en la milpa.